✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto

Akwai Katunan Zabe dubu 300 jibge a ofishinmu a Imo —INEC

Hukumar INEC a Jihar Imo ta nuna damuwarta kan yadda jama'ar yankin ke nuna rashin damuwa da zuwa karbar Katin Zabe.

Hukumar Zabe ta Kasa (INEC), ta ce akwai Katunan Zabe kusan dubu 300 wadanda ba a karba jibge a ofishinsu a Jihar Imo.

Hukumar ta ce wannan abin damuwa matuka, ganin yadda jama’ar yankin ke nuna rashin damuwa da zuwa karba katin zabensu.

Kwamishinan INEC na Jihar, Farfesa Sylvia Agu ce ta bayyana haka a Owerri, babban birnin jihar yayin taron masu ruwa da tsaki ranar da aka gudanar ranar Laraba.

A cewarta, “Imo na da Katunan Zabe kusan 300,000 wadanda ba a karba ba jibge a ofisoshinsu da ke kananan hukumomi 27 na jihar.”

Kamfanin Dillancin Labarai Na Najeriya (NAN), ya rawaito cewa, katunan na wadanda aka yi wa rajista ne a baya.

Agu ta ce, hukumar ta karbi katunan zabe guda 152,221 na sabbin wadanda aka yi wa rajista a jihar, kuma ta fara rabarwa.

(NAN)