✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto

Allegri zai sake komawa Juventus

Massimilano Allegri zai sake komawa Juventus a karo na biyu.

Rahotannin daga Italiya sun nuna tsohon kocin Juventus, Massimilano Allegri, ya amince zai koma kungiyar don maye gurbin Andre Pirlo.

Allegri ya ajiye aikin horar da Juventus a 2019, inda kungiyar ta dauki Maurizio Sarri.

Sarri ya shafe kakar wasa daya da Juventus, amma daga karshe suka raba gari, kungiyar ta dauki tsohon dan wasanta Andre Pirlo a matsayin sabon kocinta a 2020.

Sai dai Juventus ta sha fadi-tashi a karkashin Pirlo, har ta yi rashin nasarar lashe gasar Seria A a karon farko tun bayan shekaru tara.

Tuni aka shiga yada rade-radin cewar kungiyar za ta sallami Pirlo tare da neman sabon mai horarwa.