✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto
Click Here To Listen To Trust Radio Live

Amfani 5 na gurji a jikin dan Adam

Cucumber na da tarin alfanu a jikin dan Adam.

Gurji wanda aka fi sani da Cucumber a turance, wani nau’in kayan abinci ne da ke taimakawa wajen saukaka sarrafa abubuwa masu tarin yawa a jikin dan Adam.

Yana dauke da sinadarin ‘Vitamin C’ da ‘Caffeic acid’ wadanda suke taimakawa wajen gyara fatar jiki.

Ga bayar daga cikin amfaninsa a jikin dan Adam:

1. Narka abinci cikin sauki: Cucumber na taimakawa wajen narka abincin da mutum ya ci cikin sauki. Yana kuma taimaka wajen kara garkuwar jiki daga kamuwa da cututtuka.

2. Rage kiba: Cucumber na dauke da sinadarin ‘fibre’ wanda yake taimaka wajen rage ko hana yin kiba.

3. Daidaita ruwan jikin dan Adam: Kashi 96 cikin 100 na cucumber ruwa ne, wanda hakan ke taimaka wa jikin mutum wajen fitar da abu mara amfani daga jikinsa cikin sauki.

4. Warin baki: Wani amfani da cucumber shi ne maganin warin baki. A wasu lokutan mutum na samun warin baki sakamakon wata cuta ko abinci da ya ci, amma cucumber na iya maganin hakan cikin sauki.

5. Kariya daga cututtuka: Cucumber na dauke da ‘antioxidants’ inda yake taimaka wa gangar jiki wajen yakar duk wata cuta da ta shiga jikin mutum a matakin farko.

Cucumber na da amfani mai tarin yawa a jikin mutum, don haka yake da kyau mutane su rika amfani da ita don su amfana.