Wani basarake da ake zargi da aikata kisa ya fada a komar ’yan sanda a Jihar Bauchi.
Ana zargin basaraken ne da aikata kisa a yankin Yelwa da ke kusa da birnin Bauchi.
- Ambaliyar ruwa ta raba mutum 400,000 da muhallansu a Kogi
- Emefiele ya tabbatar min ba za a cire Ajami daga jikin Naira ba – Sanusi
Mai magana da yawun Rundunar ’Yan Sandan Jihar, SP Ahmed Wakil, ya tabbatar da kama wanda ake zargin cikin wata sanarwar da ya fitar a ranar Litinin a Bauchi.
Ya ce ana zargin basaraken ne da kashe wani mutum sakamakon hatsarin mota.
Jami’in ya ce, an dauki batun daga ofishin ’yan sanda da ke Yelwa zuwa Sashen Binciken Manyan Laifuka na rundunar da ke jihar don zurfafa bincike.
Bayanai sun ce matasan yankin da lamarin ya faru sun gudanar da zanga-zanga inda suka mamaye babbar hanyar garin Tafawa Balewa da ke jihar don nuna rashin jin dadinsu kan abin da ya faru.
(NAN)
