An cafke wani matashi a daidai lokacin da yake kokarin sace janareta a wata kotu a yankin Karamar Hukumar Ado-Odo Ota a Jihar Ogun.
Majiyarmu ta ce magatakardan kotun, Kareem Tolulope, da kansa ya damke matashin.
- Bankuna za su ci gaba da karbar tsofaffin kudi bayan cikar wa’adin CBN – Emefiele
- NAJERIYA A YAU: Irin Tarbar Da Kanawa Suka Yi Wa Buhari
Bayanai sun ce a ranar Talata wanda ake zargin ya kutsa cikin ofishin da aka ajiye janaretan da zummar zai yi awon gaba da shi
A cewar majiyar, matashin ya yi amfani da damar hutun aikin da aka bai wa ma’aikata don zuwa karbar Katin Zabensu wajen aikata laifin.
Abubuwan da aka samu a jikinsa sun hada da wata ‘yar jaka da sukundireba.
Ya zuwa hada wanna labari, an kasa samun mai magana da yawun ’yan sandan jihar, SP Abimbola Oyeyemi, balle a ji ta bakinsa kan batun.
