’Yan bindiga sun sace wata Alkalin kotun Majastare, Precious Aigbonoga, a kan hanyarta ta zuwa kotu.
Sakataren Kungiyar Lauyoyi ta Najeriya (NBA) reshen Jihar ta Edo, Festus Osagie Usiobaifo ne ya sanar da hakan a Benin, babban birnin Jihar.
- Buhari ya bude sabon filin jirgin sama a Yobe
- Matar Shugaban DSS ta hana Abba Gida-Gida shiga jirgi daya da ita a Kano
Ya ce an sace ta ne da safiyar Litinin a yankin Ugoneki cikin Karamar Hukumar Iguben da ke jihar.
A cewarsa, alkalin ita ce matar dan takarar dan majalisa na jam’iyyar PDP, Mista Afebu Aigbonoga, a shiyyar Etsako ta Yamma.
Sanarwar ta ce, “Muna tuntubar Kwamishinan ‘Yan Sandan Jihar, Mohammed Adamu Dankwara, da yardar Allah za a kubutar da ita ba tare da cutuwa ba.”
Wannan na zuwa ne bayan sa’o’i 48 da sace fasinjojin jirgin kasa su 32 a tashar Ekehen da ke yankin Igueben a jihar.
