Kwamitin kar-ta-kwana kan tabbatar da dokar hana kiwo a Jihar Bayelsa ya kama shanu kimanin 44 da ke gararamba a Yenagoa, babban birnin Jihar.
Kwamitin, wanda Kwamishinan Noma da Ma’adinan Gargajiya na Jihar, Mista David Alagoa, ke jagoranta, tare da hadin gwiwar jami’an tsaro ne dai ya kama shanun daga hannun makiyayansu.
- Matasa na zanga-zanga a Gashuwa bayan soja ya bindige direba
- Sarkin Daura zai nada Amaechi sarautar ‘Dan Amanar Daura’
Aminiya ta gano cewa iya shanun kawai aka kama, ban da masu kiwonsu, ko mamallakansu.
Ko a watan da ya gabata dai, sai da kwamitin kula da albarkatun gona na Jihar ya gurfanar da wasu makiyaya guda su a gaban kotu bisa karya dokar hana kiwon.
Manoma a Jihar dai na korafin cewa makiyayan na yi musu ta’adi a gonaki, inda suka roki Gwamnatin Jihar da ta tabbatar dokar na aiki yadda ya kamata don a gujewa tashin-tashina.
Jihar Bayelsa dai kamar sauran takwarorinta na Kudancin Najeriya ta sanya dokar haramta kiwo a fili a fadin Jihar.
