Majalisar Dokokin Jihar Filato ta tsige shugabanta, Honorabul Abok Ayuba Nuhu, a safiyar Alhamis.
An tsige Shugaban Majalisar ce a zaman da Shugaban Masu Rinjayen Majalisar ya jagoranta.
A zaman na safiyar Alhamis, mutum 16 daga cikin mambobin majalisar 24 sun kada kuri’ar amincewa da tsige Honorabul Abok.
Majalisar ta kuma maye gurbinsa da Honorabul Sanda Yakubu, daga mazabar Karamar Hukumar Bassa.
