A daren Lahadi ne wasu da ake zargin masu garkuwa da mutane suka kutsa cikin Jami’ar Ahmadu Bello da ke Zariya suka yi awon gaba da wani malami da iyalansa.
Malamin mai suma Dokta Ibrahim Bako da ke Tsangayar koyar da aikin likitanci ya fada tarkon masu garkuwar ne kwanaki biyu bayan wasu daliban jami’ar tara sun kubuta.
- Kotu ta daure wanda ya lalata karamar yarinya shekara bakwai
- Za mu ba ’yan kabilar Igbo kariya a Kano —Sarkin Bichi
Jami’in Hulda da Jama’a na jami’ar, Malam Auwal Umar ya shaida wa Aminiya cewa maharan sun kutsa rukunin gidajen ma’aikatan jami’ar da ke ‘Area BZ’ cikin dare suka yi awon gaba da malamin da matarsa daga bisani suka jefar da matar da diyarsa a kauyen Da’a da ke Karamu Karau.
Malam Auwal ya ce tuni sashen tsaro na jami’ar tare da hukumomin tsaro suka fara bin sawun lamari.
