Mutane da dama ne ake fargabar sun mutu bayan wani bam ya tashi a Cocin Katolika ta St. Francis da ke Owa-luwa a yankin Karamar Hukumar Owo ta Jihar Ondo, lokacin da suke tsaka da ibada.
Har yanzu dai babu cikakkun bayanai kan harin har zuwa lokacin hada wannan rahoton, amma wata majiya a kusa da inda lamarin ya faru da harin ’yan ta’adda.
- ISWAP ta kashe wani Babban Kwamandan Boko Haram a Borno
- Mun daina kai wa CBN ajiyar kayan zabe —INEC
Kazalika, majiyar ta ce maharan sun kuma bude wuta a kan masu ibada bayan tashin bam din.
Cocin dai na kusa da Fadar basaraken Owo, wato Olowo na Owo.
Owo dai nan ce mahaifar Gwamnan Jihar ta Ondo, Rotimi Akeedolu.
Kakakin Rundunar ’Yan Sandan Jihar, Funmilayo Odunlami, ta tabbatar da faruwar lamarin, amma ta ce yanzu haka suna ci gaba da bincike a kai.
