Shugaban Kasar Ukraine, Volodymyr Zelensky, ya kai ziyara Amurka don neman dauki bayan takwaransa na Rasha, Vladimir Putin, ya sanar cewa dakarun rundunar nukilyar kasarsa na cikin shirin yaki.
Wannan dai ita ce ziyarar Zelensky ta farko zuwa wata kasa domin neman dauki, tun bayan da Rasha da auka wa kasarsa da yaki, sama da kwana 300 da uska gabata.
- Dokar Cire Kudi: Emefiele ba zai bayyana gaban Majalisa ba
- Sojoji sun yi yunkurin juyin mulki a Gambiya
Wani bidiyonsa da aka fitar ya nuna shi a tashar jirgin kasa da rakiyar motoci a kasar Poland, makwabciyar kasarsa.
Daga bisani ya zarce ya hau jirin sama zuwa birnin Washington DC na kasar Amurka domin ganawa da Shugaba Joe Bidin da kuma yin jawabi ga Majalisar Dokokin Amurka.
A yayin da yake hanyarsa, Zelensky ya wallafa a shafinsa na Twitter cewa zai yi amfani da damar wajen kara karfin tsaron kasarsa.
