✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto
Click Here To Listen To Trust Radio Live

Bilinbituwar bobon bokokon babban Baushe (3)

Botsare-botsare Borin bankare-bankaren bore Ban haushin Bahaushen Ba’are Bambaron Barbushen bare Burgar bagun burge Bature   Koyin koyo Kwaramniyar kwaikwayo Kwanaren gande-ganden goyo Kankambar gizon…

Botsare-botsare

Borin bankare-bankaren bore

Ban haushin Bahaushen Ba’are

Bambaron Barbushen bare

Burgar bagun burge Bature

 

Koyin koyo

Kwaramniyar kwaikwayo

Kwanaren gande-ganden goyo

Kankambar gizon girgiza gariyo

Kutunguilar kare kuikuyo

 

Botsare-botsaren borin bankare-bankaren birgimar boren bagun bokokon babban Baushen Bahaushen burtuntunar Baturen bushashar bushe-bushen Barbushe ne ya haifar wa al’umma tsangwamar tsokale-tsokalen tsokacin tsunkular tsugudidin tsabagen tsangwamar tarnakin turnukun tasgaron tuma-dugayya, a wajen koyin koyon kwaikwayon kwanaren kankambar kwaramniyar kutunguilar karen kuikuyo. Wannan ne dalilin da ya sa tsilli-tsillin tsilla-tsillar tsagwagwan tsagwaron tsurkun tsukukun matsaloli suka baibaye al’umma, kuma ake ta kwan-gaba, kwan-baya, wajen tufka da warwarar dimbin al’amura a fadin Haurobiya.

 

Don haka aiwatar da managartan tsare-tsare, za su tarwatsa tunanin wadanda suka dauki masu magana da yaren hau-hau wajen hawan-sa kanwar lasa ko ’yar gajeriyar kuka kasa-kasa da ake yaba wa jarfar jibar jibga tusa da ke shan kisisinar kissar kishin kishiya, tunda tsawon zamunna haka aka yi ta kafa wa al’umma kusa. Akwai kuma wani muhimmin abin lura, wato larurar lulawar lulayen logar lauye-lauye da laulayin alayen ’ya’ya da iyayen da suka bari ko’ina aka bi aka mamaye. Ga shi nan dai ana ta fama da jimamin jin jikin jikkata jikokin jama’a.

 

Lallai masu koyon watsattsake da falle shafuffukan mujallu da makalu a farfajiyar Dodorido da ke cikin Amintacciyar jaridar kasar Haurobiya, wajibi ne mu yi wa kawunanmu tanadi, ta hanyar yin kasaken jin maganganun managartan magabatan da suka yi mana gargadi ka da mu yi sanyar jiran badi, mu dai roki  Mai-duka ya yi mana budi, sai mu samu lullumin lumanar lakanin limancin lamura da sigar samun saukin sahalewar sa’idar sanadin sukwanar sirdi sadidan salun-alun.

 

Kuma mu daina wancakalar da AJIYAYYAR AYAR AJI-AJIN AJAMIN AJAMAWA, don wassafa watsattsaken wagagen litattafan ’ya’yan Alaramman almajiran Arewatawa. Sai a yi ta aikin alamta alamun al’adun al’umma, tare da kolo da titibiri da gardin garadan gaugawar gudumar gundumar gudunmuwa.

 

Sai sararin samar da shugabanin shan-kan sha’anin shu’umcin shammatar shaidanci, inda za a samar da nagargaru, masu baje na-mujiyar kuru-kuru kan yadda za a shawo kan tsilli-tsillin tsiyatakun tsikarar al’umma. Sannan a inganta ingarman ingiza sukwanen sukuwar tsarin damon-kurar-diyya a wasann Samson-siya-siya ba tare da gantalin gararambar galabaitar da  taron talakawa ba.

 

Dandamalin dakalin dandalin daddalewar dillancin dubban dalolin Dabai da Dubai a Adalar adalcin aringizon alkukin asassa asasin azargagiyar asirkar asirta asusu. Turka-turkar takun tunkude talalar talaucin tuli-tulin tattalin tuttule tulu. Kwaramniyar kwakwazon kwashe-kwashen kwabban kwashi kwaraf kararaf kaf-kaf kan kifewa kif da kakarin karfa-karfan karfen kafa karkaf. Ire-iren harkallar halin-burtu a badda kama a yi barna, shi ya haifar da kafuwar KAFATANIN KAMFANONIN KWAFCECEN KOFATON KAFTUN KAMFATAR KUDIN DABARBARUN DABURCEWAR DALALOWAR DALLAKIN DUNDUMDURUNDUM, har ta kai ga tsawon zamani ana cefano wa Haurobiyawa DUNDUMIN DUHU, inda ake ta cin DUHU, alhali al’umma na ta IHU. Tsuwurwurta ta’asar HALINBURTU a badda kama a yi barma da bususukan wuni-wuni irin na ’yan uwan da ba su da wani. Cin duhun da Babban Baushe ya yi wasararai da shi, shi ne ya haifar da cin kashin kajin da ake yi masa, shi ya sa ma yake fama da masu damfarar damun fura, musamman al’amuran da suka  harhado da KWANDON KANDAME-KANDAMEN KWAMANDAN KALALLAME Hauro da MOTSIN MUTSUTTSUKE MATSABBAI, inda Maiburodi ya yi ta bidiri birede burodi a cikin al’ummar Haurobiya, ya yi wa dimbin jama’a WULWULAWAR WALANKELUWAR WATANGARIRIYAR WULAKANCIN WA-KA-CI-KA-TASHI, har ya wawushe su aka bar su da sallamar salallamin sullutun salalar salansar Salamatu.

 

Bisa la’akari da turka-turkar turnukun tarnakin ta’asar takurar, lallai a jajirce wajen ganin an wancakalar da Balbalin bala’in bilinbituwar bobon bokokon babban Baushe, don gudun ka da a karke da BARARRAJEWAR BAZA BUYAGIN BURGUJEJEN BUJEN BEZAR BUZUZUN BUZU BUZ-BUZU, tattare da sargafe-sargafen sarkar kadandoniyar kememen kunduge kunzugun karma-karmar kamuya-muya.

 

Uwa-uba a samar da watsattsaken wangale wallafe-wallafen wassafa wasassun wukaken wafce-wafcen wuccikewar wa-ka-ci-ka-tashin wagegiyar  wushiryar wasullan wulkice-wulkicen watandar wancakalar da wautar wuru-wurun wawure-wawure, ta yadda duk muguntar magabcin mugu za a fasko mummunar manufarsa. Kuma a yi fafutikar yaye wa al’umma duhundundum durundum a kurungunsu, ko an daina tafka musu da sususu ballantana ’yan matan jaba da samarin-kusu. Ko tantama babu sakarcin sakacinmu ne ya haifar wa masu fuka-fukin tashi fantsamawa fitintinun fitsarar fetsarewa a furkaniyar fatalin faske-fasken fankamar fafar fandarewa da far-far din farin firgicewa a fi’ilin feleken fafata fadace-fadace. Lallai akwai bukatar mu yi hallarar halarto wa kurungunmu dabarun dambacewa da tsilla-tsillar tsawwalar matsaloli, don al’umma ta samu ta hau gwadaben gwalalon gwagwabar rayuwa, wato runtumawa rumbun ribatar rabauta, don ratattakar rafkanuwar ragaita, har a kai ga rumurmutsar romon rabashen ragon Romawa, tattare da rugugin rokar Rashawan rummacen ramar rududduge rama. Sai a tabatar da cewa:

 

Jajibe-jajben juhalar jahilci an jefar

Juyin jigata a jama’a an jirkitar

Gadarar garadan gada-gada an gurgusar

Tashintashina an tunkudar

Darkakin doke-doke an dakatar

 

Hargowar harigido an hantsilar

Mamungar mirgine-mirgine an mangarar

Shune-shunen sharri an shekar

Laftun laifuka an ladabtar

Adalar adalaci an aiwatar

 

Allunan alkinta allikafar alhamzar an alamtar

Rangajin ragaitar rawunnan raga an ragargazar

Runtumawa rumbun rabauta an ribatar

 

Kuma mu himmatu ka’in-da- na’in wajen samar da dabaru kafa asusun alkinta awalaja, don kyautata hada-hadar harhada haja, wadda babu banga-bangar basajar furta furucin fasko lungunan logar luggar laftun lahajar maje-haji mai mamakon manhaja mara hajijiya. Mahukunta masu murdi sai a yasar da kurda-kurdar kamfatar kudi, a daina shaci-fadi, don gudun shiga rudanin rudin radadi, tunda manufa dai kowa ya samu budi, yadda talaka da mai kudi, kowanensu zai iya bayar da sudi, sabanin yadda ake ta hakilon haramben handamar harde-harden hadidiye hada-hada da buga-bugar banke-banken bakekere, har ma da ’yar kakaren kankare kure, wajen ganin wane ne ya kere a gasar tsire-tsiren tseren tsere wa tsara.

 

Haurobiyawan Harabar hasafin hau-hawar Hawan-sa ba tare da sa-in-sa ba, wajibi ne mu yi duk mai yiwuwa wajen ganin an kauce wa BURUNTUN BURMAR BATA-GARIN BANGARANCIN BARAMBARAMAR BAMBARMAR BARUSAR BABATUN BUTU-BUTUN BANTALAR BUNTUN BALBALCEWAR BATAN-BAKA-TANTAN!

 

, or