✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto
Click Here To Listen To Trust Radio Live

Bill Gates ya kamu da COVID-19

Ya tabbatar da haka ne a shafinsa na Twitter

Attajirin nan na Amurka wanda ke fadi-tashin ganin an samar da rigakafin COVID-19, Bill Gates, ya kamu da cutar.

Ya tabbatar da hakan ne a shafinsa na Twitter ranar Laraba.

Ya ce, “Na fara fuskantar kananan alamomin cutar COVID-19, amma ina bin shawarwarin likitoci kuma na killace kaina har sai na ji dama-dama.”

Sai dai ya ce ya yi sa’a cewa an yi masa rigakafin cutar tun gabanin kamuwar shi da ita.

Attajirin, wanda shi ne mamallakin kamfanin Microsoft, a karon farko ya yi taro da ma’aikatansa ta intanet cikin shekara biyu, kamar yadda gidan talabijin na CNN ya rawaito.

A wata hirarsa da gidan talabijin din a bara, Bill Gates ya ce yana fatan ganin an kawo karshen cutar nan da 2023.

Gidauniyar attajirin mai suna Gates Foundation ta kashe sama da Dalar Amurka biliyan 1.75 wajen yaki da cutar a fadin duniya.