Kungiyar kwallon kafa ta Bournemouth ta doke Liverpool da ci 1-0 a wasan mako na 26 na Gasar Firimiyar Ingila.
Hakan ya bai wa Bournemouth samun nasarar fita daga ukun karshe a kan teburin Firimiyar yayin da kuma ta hana Liverpool din shiga sahun hudun farko a kan teburin.
- Ana tuhumar Barcelona da bai wa alkalan wasa cin hanci
- Yadda za a yi amfani da ganyen shayi wajen gyaran fata
Liverpool ta yi rashin nasararsa ne bayan da ta doke Manchester United da ci 7-0 a makon da ya gabata, yayin da ita kuma Bournemouth ta fara wasan a cikin ukun karshe a teburin Premier.
Rashin tsare gida da kyau ne ya sa Philip Billing ya zura kwallo a ragar Liverpool daga tazarar yadi takwas.
Liverpool ta samu bugun Fenareti a wasan bayan da kwallon da Diogo Jota ya sanya wa kai ta taba hannun Adam Smith.
To sai dai Mohammed Salah – wanda ya zama dan wasan da ya fi ci wa Liverpool kwallo a gasar Firimiyar inda ya ci kwallo ta 129 a makon da ya gabata – ya barar da bugun fenaretin bayan da ya buga ta waje.
A halin yanzu dai Liverpool tana zaman ta hudu da maki 42 yayin da Bournemouth ke zaman ta 16 da maki 24 a kakar Firimiyar bana.
