Shugaban Kasa Muhammadu Buhari ya nada Mohammed Bello Koko a matsayin sabon Shugaban Hukumar Kula da Tashoshin Jiragen Ruwa ta Najeriya (NPA).
Ibrahim Nasiru, Babban Manajan sadarwa na hukumar, ne ya tabbatar da hakan ga manema labarai a Legas ranar Talata.
- ‘Karancin mai na iya haifar da hauhawar farashin kayayyaki’
- An kama mabaraciya da tsabar kudi sama da N500,000 a Abuja
Bello Koko, ya zama mukaddashin Shugaban hukumar ne a ranar shida ga watan Mayun 2021, bayan an dakatar da Hadiza Bala Usman.
Kafin nadin nasa a matsayin mukaddashin Shugaban na NPA, Bello Koko ya kasance Babban Daraktan Gudanarwa na hukumar.
Sanarwar ta ce nadin nasa a matsayin Shugaban hukumar zai fara aiki ne nan take.
