An samu karin mutum 18 da suka mutu sakamakon cutar Coronavirus a fadin Najeriya.
Hakan na kunshe ne cikin alkaluman da Hukumar NCDC mai yaki da cututtuka masu yaduwa a kasar ta fitar a yammacin ranar Alhamis.
- An tabbatar da Usman Baba a matsayin Shugaban ’Yan Sanda
- Sojan da ya kashe jami’in kwastam ya kashe kansa
Yanzu jimillar adadin wadanda suka mutu sanadiyyar cutar ya daga zuwa 2,117 tun bayan bullarta karon farko watan Fabrairun bara.
Kazalika, alkaluman da NCDC ta fitar sun nuna an samu karin mutum 122 sabbin kamuwa da cutar a Jihohi 9 na kasar da suka hada da Legas (105), Imo (4), Kaduna (40, Akwa Ibom (3), Abuja (2), Delta (1), Ribas (1), Oyo (1) da kuma Ekiti(1).
Ya zuwa yanzu, jimillar mutum 166,682 ne suka kamu da cutar da kuma adadin mutum 162,521 da suka warke.
