Wani malamin makarantar allo ya yi wa wani almajirinsa bulala 6,000 saboda zargin akaita sata a garin Ilorin, Jihar Kwara.
Ruwan tsumagiyar da malamin yi wa dalibin da kuma munanan raunuka da ya yi wa yaron a jikinsa sun sa dalibin yin doguwar suma.
- Shugabannin ‘yan bindiga 4 sun mika wuya a Katsina
- Shin DSS ce ta azabtar da direban Buhari har ya mutu?
- Ana zargin Tambuwal da haddasa rikici a jam’iyyar PDP
- Zaftare albashi: Kungiyar kwadago a Kano ta janye yunkurin shiga yajin aiki
Kafin a yi wa yaron bulalar, sai da malamin ya sa karti biyar suka tale shi a kan wani tebur, sannan ya shiga zabga masa dorina, kuma bai tsahirta ba sai da aka yi wa yaron bulala 6,000 a matsayin haddin satta.
Dalibin wanda shi kadai mahaifiyarsa ta haifa, ta sanya shi a makarantar ce a shekarar da ta gabata saboda ya samu ilimin Alkur’ani a wurin malamin wanda dan asalin garin na Ilorin ne.
Aminiya ta samu rahoton cewa, tuni malamin ya yi layar zana bayan da ya samu labarin cewa an kai karar sa wurin Hukumar Kare Hakkin Dan Adam ta Jihar.
Wakilin hukumar, Barista Ahmed Rufai, ya shaida wa Aminiya cewa an kwantar da yaron a wani asibiti a Karamar Hukumar Ilorin ta Yamma, da ke jihar.
Ya ce gwamnati da jami’an tsaro sun baza komar farautar malamin.
