✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto
Click Here To Listen To Trust Radio Live

Direban babbar mota ya yi ajalin tsohuwa a Legas

Direban motar ya bi ta kan tsohuwar da mota wanda hakan ya yi ajalinta.

Rundunar ’Yan Sandan Jihar Legas ta tabbatar da wani direban babbar mota ya murkushe wata tsohuwa mai shekara 73 mai suna Titilayo Adawi a jihar.

Matar ta gamu da ajalinta ne a hanyar Lekki zuwa Epe da ke jihar, kuma nan take ta ce ga garinku nan.

Kakakin rundunar a jihar Legas, SP Benjamin Hundeyin, ya tabbatar wa Kamfanin Dillancin Labarai na Najeriya (NAN), faruwar lamarin a ranar Talata.

Hundeyin ya ce hatsarin ya auku ne a ranar Litinin kuma an kai rahotonsa ga ofishinsu na Ilasan da misalin karfe 12:10 na rana.

Ya ce rahoton da baturen ’yan sanda (DPO) ya samu ya nuna wata mota kirar TATA Lorry mai lamba KRD-165-XZ, wanda wani Kazeem Ajibola ke tuka matar, wanda aka yi zargin shi ne ya murkushe matar.

Wani ganau ya shaida cewar hatsarin ya faru ne a madakar mota ta Salem, a kan hanyar Lekki zuwa Epe, a Victoria Island, Jihar Legas.

“Sakamakon hatsarin, wadda abin ya shafa ta mutu nan take. A bisa rahoton, tawagar jami’an ababen hawa da suka ziyarci wurin sun dauki hotunan abubuwan da suka faru.

“Sun dauke gawar tare da ajiye ta a dakin ajiyar gawa don gudanar da bincike .

“A halin da ake ciki, an kama direban kuma an kai motar zuwa ofishin binciken ababen hawa,” inji shi.

Hundeyin ya ce ana ci gaba da gudanar da bincike kan lamarin.