Shugaban Kasa Muhammadu Buhari ya bayyana cewa Jihar Kaduna na samun cigaba a karkashin Gwamna El-Rufai, duk kuwa da kalubalen da take fama da su.
Buhari ya bayyana cewa jajircewar Gwamna Nasir El-Rufai wurin samar da ayyukan ci gaba abin koyi ne ga shugabanni masu tasowa.
- ‘’Yan Kudu su kuka da kansu idan suka sake kashe dan Arewa’
- Allah Ya yi wa Babban Limamin Kudancin Kaduna rasuwa
Buhari ya bayyana haka ne a sakonsa na taya El-Rufai murnar cika shekara 62 a ranar Laraba.
Ya yaba wa gwamna da cewa ya zarce tsara wajen gudanar da ayyukan samar da ababen more rayuwa a fadin Jihar Kaduna.
Sakon na Buhari, ta hannun kakakinsa, Garba Shehu, ya yi wa El-Rufai fatan alheri da kariyar Allah gami da koshin lafiya da kwanciyar hankali.
