Kotun sauraron kararrakin zaben Majalisun Tarayya da na jiha da ke zama a garin Jos, babban birnin Jihar Filato, ta tabbatar da Sanata Farfesa Nora Ladi Daduut ta jam’iyyar APC, a matsayin wadda ta lashe zaben cike gurbin kujarar Majalisar Dattawa ta Filato ta Kudu, da aka gudanar a ranar 5 ga watan Disamba, 2020.
Kotun ta kuma tabbatar da Sanata Nora Daduut din a zaman da tayi a ranar Litini.
- Rundunar Sojin Najeriya ta gargadi Sheikh Gumi a kan tozarci
- Maganin gargajiya ya yi ajalin mutum 10 ’yan gida daya
Kotun ta yi bayanin cewa koken George Daika na jam’iyyar PDP, da suka yi takarar wannan zabe, da ya shigar a gabanta ba shi da tabbatatun shaidu, don haka ta yi watsi da karar.
Tun da farko George Daika ya kalubalanci Hukumar Zabe ta Kasa kan bayyana Sanata Daduut a matsayin wadda ta lashe zaben a gaban wannan kotu.
