Shaharariyyar jarumar barkwanci a masana’antar shirya fina-finan Kudancin Najeriya ta Nollywood, Ada Ameh, ta rasu.
Shugaban kungiyar jaruman Najeriya, Emeka Rollas, ya ce ta rasu ne a wani asibiti a jihar Delta a ranar Lahadi, 17 ga watan Yuli.
- ’Yan bindiga sun sace mai juna biyu a kusa da makarantar Sojoji a Kaduna
- NAJERIYA A YAU: PDP Ta Yi Waje Da APC A Osun
Ada Ameh ta rasu tana da shekara 48 a duniya.
An rawaito cewar ta kai ziyara wani babban kamfanin mai ne tare da iyalanta lokacin da ta fadi ba zato ba tsammani a yayin wani taro.
An garzaya da Ada zuwa asibiti inda aka tabbatar da rasuwarta.
A watan Oktoban 2020, jarumar ta Nollywood ta rasa danta daya tilo, kuma a watan Yunin 2022, ta bayyana cewa tana fama da ciwon matsananciyar damuwa.
Ameh, wacce ta taka rawar Anita a cikin fim din ‘Domitilla’ a shekarar 1996, ta shahara a bangaren barkwanci, musamman a cikin shirin ‘The Johnsons’ mai dogon zango.
Tuni jarumai ‘yan uwanta suka shiga mika sakon ta’aziyyarsu ga ‘yan uwa da iyalan mamaciyar.
