✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto
Click Here To Listen To Trust Radio Live

Ganduje ya kori Kwamishinan Harkokin Addini, ‘Baba Impossible’

An iore shi ne saboda rashin da'a

Gwamnan Jihar Kano, Abdullahi Umar Ganduje, ya kori Kwamishinan Harkokin Addinai na Jihar, Dokta Muhammad Tahar Adam, wanda aka fi sani da Baba Impossible, daga mukaminsa.

Kwamishinan Yada Labarai na Jihar, Muhammad Garba ne ya sanar da hakan cikin wata sanarwa ranar Asabar.

Ya ce dakatarwar ta fara aiki ne nan take.

A cewar sanarwar, Gwamna ya dakatar da Kwamishinan ne saboda wasu ayyukan rashin da’a, kuma ba ya yi wa bakinsa linzami.

Muhammad Garba ya ce dakataccen Kwamishinan na gudanar ayyukan ofishinsa kamar na kashin kansa.

Sanarwar ta kuma zarge shi da Baba Impossible ya cire Laraba da Juma’a daga ranakun aiki a ma’aikatarsa,

Ya ce tuni Gwamna Ganduje ya aike da sunan Dokta Nazifi Ishaq Bichi na Jami’ar Bayero da ke Kano domin ga tantance shi a matsayin sabon Kwamishina.