✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto
Click Here To Listen To Trust Radio Live

Gwamnan Yobe ya yi wa ‘yan kasuwa ragin kudin shaguna

Buni ya dauki wannan mataki ne domin karfafa kasuwanci a jihar

Gwamna Mai Mala Buni na Jihar Yobe ya yi wa ‘yan kasuwar da ke zaune a sabuwar kasuwar zamanin da ya kaddamar ragin kashi 35 cikin 100 na kudin shaguna.

Gwamnan ya dauki wannan mataki ne domin karfafa wa ‘yan kasuwar da kuma bunkasa harkar kasuwanci a jihar.

Majiyarmu ta nuna shagunan da aka yanke wa N468,000 da farko, yanzu N304,200 za a biya a shekara, na N390,000 kuwa a biya N253,500.

Haka nan, shagunan N442,000 sun koma N287,300, yayin da na N390,000 sun koma N253,500 a shekara.

Sai kuma shagunan N325,000 da a yanzu suka koma N211,250, kana na N253,500 za a biya N390,000 a kansu a shekara.

Sashen da za a biya N390,000, yanzu sun koma N253,500, sannan na N325,000 a biya N211,250 da N236,600 a shekara.

Bangaren ‘yan N169,000 kuwa yanzu N152,100 za a biya, na N260,000 a biya N169,000, na N325,000 a biya N211,250 duk a shekara.

Sauran sun hada da shaguna ‘yan N286,000 inda za a biya N185,900, na N325,000 a biya N211,250, sai kuma shagunan N162,500 inda a yanzu aka yi rangwame a biya N105,625.