A ranar Asabar Gwamna Abdullahi Umar Ganduje na Jihar Kano ya kai ziyarar ta’aziyyar rasuwar surukinsa, tsohon gwamnan Oyo, Ishaq Abiola Ajimobi.
Ganduje ya je ta’aziyyar ne gidan marigayin da ke Legas tare da maidakinsa da ‘ya’yansa da wasu mukarabban gwamnatinsa.
Ga wasu daga cikin hotunan:
Gwamnan Kano, Abdullahi Umar Ganduje, lokacin da ya sauka a filin jirgin sama na Murtala Mohammed da ke Legas a kan hanyarsa ta zuwa ta’aziyar surukinsa marigayi Abiola Ajimobi.
Mai dakin Gwamna Ganduje, Farfesa Hafsat Ganduje, tare da ‘ya’yanta lokacin da suka sauka a filin jirgin sama na Murtala Mohammed.
Isowar Ganduje gidan marigayi Ajimobi da ke Legas.
Uwar gidan marigayi Abiola Ajimobi, Florence Ajimobi, sanye da bakaken kaya, a sadda take tarbar Ganduje da iyalinsa da ma wasu mukarraban gwamnatinsa da suka zo yi mata ta’aziyyar rasuwar mijinta
Gwamnan Kano Abdullahi Ganduje yana jagorantar addu’ar neman rahama ga marigayi Ajimobi, wanda mahaifi ne ga mijin diyar Gandujen.
Mukarrabban Gwamna Ganduje a lokacin da suke addu’a a gidan marigayi Ajimobi a Legas.
Uwargidar marigayin na karbar gaisuwar ta’aziya daga mai dakin Gwmana Ganduje.
Diyar Gwamnan Kano, Fatima Ganduje, tana yi wa wa mahaifiyar mijinta ta’aziyya game da rashin marigayin.
Fatima Ganduje ta rungume surukarta Florence Ajimobi yayin da suke alhinin rasuwar surukin na Fatima..
Gwamnan Kano Abdullahi Umar Ganduje yana sanya hannu rajistar ta’aziyyar surukinsa Abiola Ajimobi.
Gwamna Ganduje na karbar gaisuwa daga daya daga cikin jami’an gwamnatinsa, Murtala Sulen Garo a gidan ta’aziyyar
‘Ya’yan gwamnan jihar Kano Abdullahi Umar Ganduje wadanda ya je ta’aziyar tare da su.
