Kungiyar kwallon kafa ta Real Madrid, ta sanar da cewa tsohon mai tsaron ragarta, Iker Casillas, ya koma kungiyar a matsayin mataimakin darekta a wata gidauniyarta mai suna Real Madrid Foundation.
A sanawar da kungiyar ta fitar a shafukanta na dandalan sada zumunta, ta bayyana tsohon tauraron nata a matsayin jakadanta kuma mafi kyawun mai tsaron raga a tarihinta.
- Messi ya share tarihin da Pele ya kafa a kwallon kafa
- Dubun mai damfara da sunan Ahmed Musa ta cika
- ’Yan bindiga sun kai hari a Kano
Iker Casillas ya lashe kofuna 19 a tsawon shekaru 25 da ya shafe a matsayinsa na dan wasa a kungiyar.
Daga cikin kofunan da Iker Casillas ya lashe a kungiyar da ya wakilta a tsawon shekaru 25 sun hadar da; Kofunan Zakarun Turai guda 3, Kofin Zakarun Duniya 3, Kofunan Zakarun Turai na Super Cup 2, Kofunan La Liga 5, Copa del Rey 2, da Kofuna 4 na gasar Kungiyoyin Spain wato Spanish Super Cup.
A yanzu tsohon dan wasan zai yi aiki tare da gidauniyar kungiyar mai tallafa wa matasa, da kuma ba su duk wani horo da ya dace a fannin tamola.
Real Madrid ta na alfahari tare da maraba da dawowar tsohon dan wasan nata da cewa tana fatan zai ci gaba da kawo ta amfani da kwarewarsa wajen kawo ci gaba a kungiyar.
