Allah Ya yi wa mahaifin fitaccen jarumin fina-finan Hausa na Kannywood, Ibrahim Maishunku, Alhaji Labaran Maishunku rasuwa, bayan fama da rashin lafiya.
Jarumin ya sanar da rasuwar mahaifin nasa ne a shafinsa na Instagram.
- An kai daraktan Kannywood Ashiru Nagoma asibiti
- 2020: Muhimman abubuwan da suka faru a Kannywood
- Hadin kai tsakanin Ali Nuhu da Adam Zango zai dinke barakar Kannywood —Maishadda
“Inna Lillahi Wa Inna Ilahi Raji’un, a yau 26 Jan 2021 na yi babban rashi, Allah Ya yi maka afuwa baba.
“Wallahi duk wanda ya tafi cikin aminci ya huta. Allah Ya ba mu hakurin rashin ka baba. Allah Ya sa mu mutu cikin aminci,” cewar Maishunku.
https://www.instagram.com/p/CKhfVswh6Ot/?utm_source=ig_web_copy_link
Alhaji Labaran Maishunku ya rasu ne a ranar Talata yana da shekar 80 a duniya.
Bayan wallafa labarin rasuwar mahaifin nasa, daraktoci, furodusoshi fina-fina da ma jarumai maza da mata daga cikin masana’antar ta Kannywood sun yi ta yi wa Maishunku ta’aziyya.
