‘Yan takarar kansilan jam’iyyar APC sun yi barazanar kone ofisoshin jam’iyyar da ke adawa da juna a jihar Kuros Riba.
‘Yan takarar karkashin Effiom Yellow-Duke sun rufe ofisoshin bangarorin jam’iyyar, suka kuma yayyaga tutucin jam’iyyar.
Sun kuma lakada wa mutanen da suka riska a sakatariyar jam’iyyar na bangaren Etim John a garin Kalaba, babban birnin jihar.
Masu boren sun ce dole bangarorin jam’iyyar su hade su kuma shiga yunkurin zaman lafiya a jam’iyar, kuma duk sakatariyar bangaren da aka bude, to za su cinna masa wuta.
Sun ce ba za su lamunci duk wani take-take da ke nuna cewa kansu a rabe yake.
Masu zanga-zangar sun bayyana bacin rai cewa duk da gudunmuwar da suka bayar na kudi a zaben da ya gabata, an yi watsi da su.
