Robert Maraj, mahaifin mawakiyar Amurka, Nicki Minaj, ya mutu a wani hatsarin mota irin na buge ni ka tsare da ya ritsa da shi a birnin New York.
Kamfanin Dillancin Labarai na Najeriya NAN ya ruwaito cewa, Mista Maraj yana tafe a kan hanyar da ke tsakanin titin Roslyn da Raffa a yayin da wata mota da ta fito daga Northbound ta buge shi kuma ta tsare.
- Yadda za ku yi rajistar neman aikin sojan kasa a Najeriya
- Rikicin Hausawa da Yarabawa: An kashe mutum 20 wasu 5,000 na gudun hijira
- Ba zan lamunci wata kungiya ta kawo hargitsi a Najeriya ba — Buhari
Jami’an tsaro sun ce direban motar cikin hanzari ya kama gabansa ba tare da an iya samun wasu sahihan bayanai da za a iya gabatarwa a matsayin shaida ba.
Mista Maraj wanda a sanadiyar samun raunuka ya fita daga hayyacinsa, an garzaya da shi zuwa wani asibiti inda ya ce ga garinku nan a karshen makon da ya gabata kamar yadda TMZ online suka ruwaito.
Tuni dai jami’an reshen bincike laifukan da suka shafi kisan kai suka shiga sauke nauyin da rataya a wuyansu, inda suke neman al’umma sua agaza musu da duk wani bayani game da mai hannu a wannan aika-aika.
Nicki Minaj wacce tana daya daga cikin mawakan Hip Hop na Amurka da suka yi shura, har yanzu ba ta ce komai game da lamarin ba, a yayin da masoya da abokanan sana’ar da ma sauran wadanda suka shahara a duniye suke ta aike mata da sakon ta’aziyya dangane da rasuwar mahaifinta.