Allah Ya yi wa mahaifiyar Mataimakin Gwamnan Jihar Adamawa, Crowther Seth ta rasu.
Mama Metusudo Helima Seth mai shekara 118 ta rasu ne a ranar Talata a gidanta da ke garin Lamurde.
Sakatare Watsa Labaran Mataimakin Gwamnan, George Kushi ya ce dattijuwar wadda aka sha rade-radin cewa ta mutu, ta rasu ne bayan fama da rashin lafiya mai alaka da tsufa.
Sanarwar ta ce za a binne mamaciyar a ranar 17 ga Oktoba, 2020 a Lamurde kamar yadda addinin Kirista ya tanadar.
Mama Metusudo Helima ta rasu ta bar ‘ya’ya da jikoki da kuma tattaba kunne masu yawan gaske.
