Allah Ya yi wa mahaifiyar Sarkin Bwari, Alhaji Auwal Musa Ijakoro, rasuwa a safiyar Alhamis.
Mahaifiyar sarkin mai suna Hajiya Hauwa Musa Ijakoro ta rasu tana da shekaru 69 a duniya.
- Sata a kotun Musulunci: Kotu ta tsare ‘barawo’ a gidan yari
- An yanke wa dan dambe hukuncin rataya a Adamawa
Fadar Sarkin Bwari ta sanar cewa za a gudanar da jana’izar Hajiya Hauwa Musa Ijakoro da misalin karfe 12 na rana.
Allah Ya yi mata rasuwa ne bayan ta yi fama da rashin lafiya, a asibitin Nizamiyye da ke Abuja.
Rasuwar mahaifiyar sarkin na zuwa ne a daidai lokacin da ake shirye-shiryen bikin mika masa sandar sarauta.
A ranar Asabar 27 ga watan Agusta da muke ciki ne za a yi bikin mika wa Alhaji Auwal Musa Ijakoro sandar a matsayin Sarkin Bwari.