Mahara bindige mutum daya suka kuma yi garkuwa da wasu mutum shida a kauyen Guba-Abugi na Karamar Hukumar Lapai a Jihar Neja.
Gungun yan bindigar, dauke da muggan makamai sun kai harin ne bayan kwana daya da nada sabbin Manyan Hafsoshin Tsaro.
- Kar a yi tsammanin sauyi farat daya daga Hafsoshin Tsaro —NEF
- Yadda ’yan bindiga suka karkashe juna a Katsina
- Sojoji mata 200 za su yi sintiri a hanyar Abuja-Kaduna
- ’Yan bindiga sun kai hari mahaifar Shugaban Majalisar Zamfara
“Dandazon maharan sun shigo ne da misalin karfe 1:00 na dare, suna harbi ta ko’ina, wanda hakan ya sa mutane suka yi ta guje-gujen tsira da rayukansu; amma an kashe mutum daya an kuma yi garkuwa da wasu shida,” inji wani mazaunin garin mai suna, Idris Musa Avu.
Ya ce ’yan banga sun yi iya kokarinsu a lokacin da aka kai harin, sai dai ba sa samu gudunmuwa daga ’yan sanda ba.
Aminiya ta yi ta kokarin samun karin bayani daga kakakin ’yan sandan a Jihar Neja, ASP Wasiu Abiodun amma ba ta same shi ba.
Wayarsa ta kasance a kashe har zuwa lokacin da aka kammala wannan rahoton.
