Rahotanni sun bayyana cewa, ‘yan bindiga sun yi awon gaba da wasu shanu da rana tsaka a kan hanyar Katsina zuwa Jibiya.
Wani mazaunin yankin ya shaida wa wakilinmu cewa, an ga ‘yan bindigar dauke da bindigogi suna tafiya a kan titin tare da dabbobin a wani wurin da suka kai wa wata motar bas mallakin Hukumar Sufuri ta Jihar Katsina (KTSTA) hari.
- Yajin aikin ASUU: Kungiyoyi 47 sun shiga zanga-zangar NLC a Kaduna
- Barazanar tsaro ta janyo rufe makarantun FGC a Abuja
Kakakin rundunar ‘yan sandan jihar, SP Gambo Isah, ya ce jami’an tsaro na binciken lamarin.
A yayin harin bas din da aka kai a ranar Lahadin da ta gabata, rahotanni sun ce ‘yan ta’addar sun kashe direban tare da raunata wasu yayin da suka yi awon gaba da wasu fasinjojin kayayyakinsu.
Hare-haren ‘yan bindiga ba sabon lamari ba ne musamman a yankunan Arewa maso Yammacin Najeriya.
