Mai Garin Lakwaja ya rasu yana da shekara 80

Allah Ya yi wa Mai Garin Lakwaja, Alhaji Muhammad Kabir Maikarfi III, rasuwa yana da shekara 80 a duniya.

Masarautar Lakwaja, ta sanar da rasuwar Babban basaraken, wanda shi ne Shugaban Majalisar Masarautar ta ce ya rsu ne bayan rashin lafiya a wani asibiti mai zaman kansa a Abuja.

• Farfesa 5 da wasu malaman jami’a 5 sun rasu a yajin aiki —ASUU

Sanarwar da Sakataren Masarautar Lakwaja, Muhammed Nalado Usman, ya fitar a ranar Laraba da dare ta ce za a yi jana’izar basaraken ne da misalin karfe 4 ranar ALhamis a garin Lakwaja.

Alhaji Muhammad Kabir Maikarfi III ya rasu ne bayan shekara 30 a kan sarautar Mai Garin Lakwaja, wanda ya samu tun a shekarar 1992.