✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto
Click Here To Listen To Trust Radio Live

Tarihi da rayuwar Maikanti Baru (1959-2020)

Ga wasu muhimman abubuwa da muka zabo muku game da marigayi Maikanti Baru, tshohon Shugaban kamfanin NNPC. An haifi marigayi Maikanti Kachalla Baru a watan…

Ga wasu muhimman abubuwa da muka zabo muku game da marigayi Maikanti Baru, tshohon Shugaban kamfanin NNPC.

An haifi marigayi Maikanti Kachalla Baru a watan Yulin shekarar 1959. Ya rayu shekara 61 a duniya.

Marigayin dan asalin Karamar Hukumar Jama’are ne jihar Bauchi a Arewa maso gabashin Najeriya.

Ya taso a yankin Arewa ta tsakiya a garin Jos na jihar Filato mai makwabtaka da Jiharsa ta asali. A nan ya yi karatunsa na firamare da sakandare wanda ya kammala a 1978.

A 1983 ya kammala dagirinsa na farko da daraja ta daya a bangaren injiniya a fannin injuna daga Jami’ar Ahmadu Bello.

Ya samu digirin digirgi a da Jami’ar Sussex ta kasar Birtaniya a Fannin Aikin Injiya da Taimakon Na’ura.

Shi babban mamba ne a Kungiyar Injiniyoyi ta Najeria (NSE). Yana na matukar kima a idon takwarorinsa.

Ya zama Darektan kamfanin Carlson Services mallakar NNPC a kasar Birtaniya daga watan Dismaban 2007 zuwa Janairun 2007.

An nada shi shugaban kamfanin NNPC na 18 a 2016. Ya rike kujerar har lokacin ritayarsa bayan cikarsa shekaru 60 a watan Yulin 2019.

Kafin nan shi ne Mai Ba tsohon Karamin Ministan Mai Shawara na Musamman Kan Albarkatun Mai na Kan Tudu.

Gabanin haka an nada shi Babban Darektan Rukunin NNPC Kan Bincike da Hako Mai.

Mukamin da ya rike kafin wannan shi ne Babban Manaja NNPC kan Sarrafa Iskar Gas.

Ya kuma taba zama Babban Manajan Rukuni na Lura da Albarkatu da Zuba Jari.

Shi ne kuma tsohon Mai Sasanci na NNPC kan Aikin Shimfida Bututun Iskar Gas na Yammacin Afirka daga 1999 zuwa 2004.

A ranar 30 ga watan Mayu 2020 ne aka sanar da rasuwan tsohon shugaban na NNCP Maikanti Baru.