Majalisar Tarayya ta hana Ma’aikatar Lafiya ta Tarayya kashe Naira bilyan 10 kan rigakafin cutar COVID-19 a Najeriya.
Kwamitin Lafiya na Majalisar Dattawa ya ce umarci Ma’aikatar ta dakatar da kashe kudaden da Gwamnatin Tarayya ta fitar wajen samar da rigakafin cutar.
- Buhari ya nada sabbin Manyan Hafsoshin Tsaro
- ‘Duk wanda aka yi wa lambar NIN kafin 2012 sai ya sake’
- ‘Yadda muke shiga kunci yayin zaman zawarci’
- An kone gidaje a artabu tsakanin jami’an tsaro da ’yan IPOB a Imo
Shugaban Kwamitin, Sanata Ibrahim Oloriegbe ya ce Naira biliyan 10 din ba an ware su ne domin sayen rigafin COVID-19 ba, sannan sauran bangarorin da abin ya shafa ba su cika ka’idojin yarjejeniyar ba.
A makon jiya ne Ministan Lafiya, Osagie Ohanire, ya sanar cewa an ba su Naira biliyan 10 domin taimaka wa samar da rigakafin COVID-19 a cikin gida.
Ministan ya bayyana hakan ne a lokacin taron jawabin kwamitin yaki da cutar da Shugaban Kasa ya kafa.
Kwamitin Majalisar ya bukaci Ministan da ya gabatar masa da takardun da suka dace da kuma yarjejeniyar da aka kulla tsakanin gwamnati da kamfanoni.
