Wasu maniyyata Aikin Hajji daga Jihar Legas sun gudanar da zanga-zanga a gidan Gwamnatin Jihar kan ninka kudin kujera a bana.
Maniyyatan sun ce sun riga sun biya kudinsu na hajjin 2020 tun a shekara ta 2019, amma annobar COVID-19 ta hana su tafiya.
- Buhari ya taya Macron murnar lashe zaben Faransa
- Aike wa Ukraine makamai: Amurka na kokarin tsokano tsuliyar dodo – Rasha
Kazalika, sun ce sun ji bakin cikin ganin sako daga Hukumar Kula da Aikin Hajji ta Najeriya (NAHCON) cewa an samu karin Naira miliyan daya da dubu dari uku kari a kan kudin da suka biya a 2019.
Daya daga cikin maniyyatan da ya kira kansa da wakilin maniyyatan daga dukkan Kananan Hukumomin Jihar ya ce, “Sati uku da suka gabata Kwamishina ya gayyace mu tsohuwar sakateriya ya ce za a kara kudin Aikin Hajji, amma karin ba yawa.
“Mun biya Naira miliyan daya da dubu dari uku, sai muka ga sako daga gwamnati cewa za mu ciko wasu Naira miliyan daya da dubu dari ukun, kuma an bamu wa’adin kwanaki biyar domin yin hakan,” inji shi.
A don haka maniyyatan suka yi kira ga gwamnatin Jihar ta Legas da Kakakin Majalisar Wakilai da su sake duba wannan karin, domin ceto al’ummarsu.
