Wani matashi mai kimanin shekaru 18 ya nutse a ruwa a kokarin ceto wata saniyarsa a Karamar Hukumar Buji ta Jihar Jigawa.
Mai magana da yawun rundunar tsaro ta Sibil Difens reshen Jigawa, CSC Adamu Shehu ne ya tabbatar faruwar lamarin a ranar Lahadi.
- Sanata Lawal da Gwamna Buni sun bude sabuwar Kasuwar Gashua
- An dawo da littafin da aka sace a dakin karatu bayan shekara 50
Adamu ya ce matashin ya yi gamo da ajalinsa ne a ranar Asabar yayin da daya daga cikin shanunsa biyu da ya kada kiwo ta zame ta fada wani gulbi a birnin Dutse.
“Da ya lura cewa saniyarsa ta fada gulbin, cikin gaggawa ya yi kokarin ceto ta amma ya nutse a ruwan.
“Masu aikin ceto sun tsamo saniyar a raye daga gulbin.
“Sai dai an nemi gawar matashin an rasa sai a ranar Lahadin nan, awa 11 bayan nutsewarsa aka iya gano ta.
“Mun yi bincike kuma mun tabbatar da mutuwar matashin wanda muka mika wa iyayensa gawarsa da a yanzu har an binne shi, a cewar Shehu.
