✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto
Click Here To Listen To Trust Radio Live

Mutane Sun Gaji Da Wakokin ‘Rap’ —Wizkid

Wizkid ya ce shi kansa wakokin Rap suna gundurar sa

Fitaccen mawakin Najeriya da ke amfani da salon gambarar Afrobeat, Ayodeji Balogun, wanda aka fi sani da Wizkid, ya ce rashin sabunta salon wakokin ‘Rap’ ya sa mutane sun daina jin dadin su.

Mawakin ya bayyana hakan ne a ganawarsa da wata mujalla, inda ya ce shi kansa ya daina sauraron wakokin da aka yi da salon Rap, saboda gundurar sa da ya yi.

“Salon gambarar Afrobeat duniya ke yayi yanzu, domin wakar da na yi da salon sai da na sayar da kwafe miliyan biyu a Amurka kadai, kuma ko a fitattaun mawakan kasar ma ba kowanne ne ya taba sayar da makamancin haka ba.

“Wannan ya nuna inda duniya ta saka gaba a harkar waka. Ni kaina ma iya wakokin da nake ji ke nan yanzu, ba na sauraron Rap ba, saboda shekaru 10 ke nan salo daya ake amfani da shi a wakokin duk duniya.”