Mutanen da cutar Coronavirus ta harba a Najeriya sun zarta dubu 58

A yanzu watanni bakwai kenan da bullar cutar coronavirus a Najeriya bayan bullarta karon farko a ranar 27 ga watan Fabrairun 2020.

Alkaluman da Hukumar Yaki da Cututtuka Masu Yaduwa a Najeriya (NCDC) ta saba fitarwa duk rana, sun nuna cewa daga farkon bullar cutar a kasar zuwa yanzu, mutum 58,324 ne suka harbu.

• Babu wanda cutar Coronavirus za ta kashe a jihata – Ishaku
• ‘Kashi 20 na mutanen Afirka ta Kudu suna dauke da Coronavirus’

Bayanan NCDC sun nuna cewa mutum 49,794 ne suka warke daga cutar bayan kamuwa, yayin da mutum 1,108 suka riga mu gidan gaskiya.

Kididdigar da Hukumar ta fitar a ranar Lahadi, 27 ga watan Satumban 2020, ya nuna cewa mutum 7,422 suka rage masu dauke da kwayoyin cutar a fadin kasar.

Ga kididdigar alkaluman da NCDC ta fitar kan cutar da wadanda suka mutu a kowacce daga cikin jihohi 36 na kasar da kuma birnin Abuja: