Hukumar Yaki da Sha da Fataucin Miyagun Kwayoyi ta Kasa (NDLEA), ta lalata miyagun kwayoyi da nauyinsu ya kai tan 24.6 da ta kama a Jihar Kwara.
Kamfanin Dillancin Labarai na Najeriya (NAN), ya ce, a ranar Laraba NDLEA ta yi wannan aikin ne a Ilorin.
- Mutum 61 sun mutu a hadurra a Borno —Hukuma
- NAJERIYA A YAU: Matsayin Kuri’ar ’Yan Gudun Hijira A Zaben 2023
Gwamnan jihar, AbdulRahman AbdulRazaq, ya yaba wa hukumar da wannan nasarar da ta samu a jihar.
AbdulRazaq ya bai wa NDLEA tabbacin gwamnatinsa za ta ci gaba da mara mata baya don ci gaba da aikinta a jihar yadda ya kamata.
A nasa bangaren, Kwamandan NDLEA a jihar, Ibrahim Saidu, ya ce, sun samu nasarar gurfanar da dillalan miyagun kwayoyi su 171 a jihar a cikin wannan shekara.
(NAN)
