Bayan ce-ce-ku-ce da tir da jaruman masana’antar Kannywood suka yi wa jaruma Rahama Sadau, da kuma wanda mutane suka yi bayan ta saki wasu hotuna da suke nuna jikinta, jarumar ta fito a wani bidiyo tana kuka, inda ta nemi afuwar mutane da abokan aikinta baki daya.
A cewarta, “Ni Musulma ce. Ban saka wadannan hutuna domin abin da ya faru, ya faru ba.
- ‘Yan Kannywood sun yi tir da hotunan Rahama Sadau
- Bude katafaren wajen hutu na Rahama Sadau ya jawo cece-ku-ce
“Ba zan taba yin abin da zai taba Musulunci ko Annabi Muhammad S.A.W. ba
“Kuma dama muna wani irin lokaci ne yanzu wanda ake neman wata gaba da a ci mutuncin Musulunci; Sai kuma kaddarar ta fada a kan hotona.
“Ni ba mahaukaciya ba ce, ba ni da dalilin amincewa da abin wannan mutumin ya rubuta a kasan hotona; Amma dai kaddara ta riga fata.
“Duk abin da ya faru, ya faru ne a dalilina. Ina mai ba daukacin al’umma hakuri. Don Allah a yi hakuri.”
Aminiya ta ruwaito yadda jaruman Kannywood suka yi ca a kan jarumar, inda wasu har da tsinuwa suka yi.
