✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto

Rasha ta kashe sojojin Ukraine 13,000

Wasu sojojin Ukraine sama da 13,000 sun samu rauni a yakin kasarsu da Rasha

Kimanin sojojin Ukraine 13,000 ne suka mutu, wasu dubban kuma suka samu raunuka a yakin da kasarsu ke yi da Rasha.

Mykhailo Podolyak, hadimin Shugaban Kasar Ukraine, Volodymyr Zalensky, ya ce yawan sojojin da suka samu raunuka ya zarce wadanda suka mutu a tsawon wata tara da kasashen biyu ke yaki da juna.

Mykhailo Podolyak, ya bayyana cewa nan gaba idan hukumomin sojin kasar sun kammala tantance alkaluman sojojin da suka kwanta dama a yakin, Mista Zalenskyy zai sanar a hukumance.

A watan Satumba ne sojojin Ukraine suka kaddamar da sabbin hare-hare tare da kwace yankunan da sojojin Rasha suka kwace a Arewa maso Gabashi da Kudancin kasar, ciki har da birnin Kherson mai matukar muhimmanci.

A yayin da yanayin hunturu ya shigo kuma, ana can ana gwabza kazamin yaki tsakanin dakarun Rasha da na Ukraine a yankin Donetsk.