Allah Ya yi wa mai martaba Sarkin Funakaye, Alhaji Mu’azu Muhammad Kwairanga rasuwa sakamakon bugun zuciya.
Sarkin na Funakaye, ya rasu ne a daren Asabar da misalin karfe 12:00 na dare.
- Har yanzu akwai makarantun sakandare 75 da ke rufe a Zamfara
- Minista ya bukaci a kammala aikin titin Kano zuwa Kaduna nan da wata 4
Kafin rasuwarsa, marigayin ko a ranar Asabar ya halarci taron da Ministan Sadarwar, Isa Ali Ibrahim Pantami ya gudanar a Otel din Custodian da ke Gombe, kafin ya koma garin sa na Bajoga da misalin karfe 2:30 na rana
Marigayin ya zama Sarkin Funakaye ne bayan rasuwar yayansa, Alhaji Muhammad Kwairanga Abubakar, aka nada shi a ranar shida ga watan Fabarairun 2021, lokacin shi ne Dan Majen Funakaye
Za a gudanar da jana’izarsa da misalin karfe 2:00 na ranar Lahadi a fadarsa da ke garin Bajoga hedkwatar karamar hukumar ta Funakaye.
