✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto
Click Here To Listen To Trust Radio Live

Tottenham ta kulla yarjejeniyar daukar Ivan Perisic daga Inter Milan

Perisic ya rattaba hannu kan kwantaragin kakar wasanni biyu a Tottenham.

Kungiyar kwallon kafa ta Tottenham Hotspur ta kammala kulla yarjejeniyar daukar dan wasan gaban Inter Milan, Ivan Perisic.

Tottenham ta dauki Perisic mai shekara 33 kyauta bayan kwantaraginsa ya kare a Inter Milan, kungiyar da ta kare a mataki na biyu a gasar Serie A ta bana a Italiya.

Perisic dan kasar Croatia ya rattaba hannu kan kwantaragin kakar wasanni biyu a kungiyar da ke buga Firimiyar Ingila, bayan an kammala gwaje-gwajen tabbatar da ingancin lafiyarsa.

A ranar 30 ga watan Yuni Perisic zai koma kungiyar ta Arewacin Landan a hukumance bayan karewar kwantiraginsa a San Siro.

Perisic ya lashe gasar Serie A a kakar wasanni ta 2020-21.

Ya kasance daya daga cikin manyan ’yan wasan Inter Milan a kakar 2021-22, inda ya zira kwallaye takwas tare da taimaka wa kwallaye bakwai a wasanni 35 da ya buga a gasar Serie A ta bana wadda suka kare a mataki na biyu.