Tsawa ta yi ajalin wasu jami’an Hukumar Kiyaye Hadurra ta Kasa (FRSC) su uku a jihar Ogun.
Jami’an da ibtila’in ya rutsa da su suna bakin aiki ne lokacin da lamarin ya riske su ranar Laraba a yankin tsohuwar tollgate da ke karamar hukumar Ijebu-North East.
Mai magana da yawun hukumar a jihar ta Ogun, Florence Okpe, ta tabbatar da faruwar lamarin.
Lamarin dai ya auku ne a lokacin da jami’an ke cikin ofishinsu da ke yankin a daidai lokacin da suke shirin fitowa fareti da misalin karfe 10 na safe.
A lokacin da lamarin ya auku dai jami’an da ke wajen sun haura goma.
