Rahotanni daga kasar Ghana na cewa tsohon shugaban kasar Jerry Rawlings ya rasu sakamakon kamuwa da cutar coronavirus.
Rawlings ya rasu yana da shekara 73 bayan jinya a Asibitin Koyarwa na Korle-Bu da ke birnin Accra, babban birnin kasarsa a safiyar Alhamis.
Marigayi Rawlings shi ne shugaban da ya fi dadewa a gadon mulkin kasar, daga 1981 zuwa 2001.
Ya fara jagorantar kasar ne a mulkin soja bayan ya jagoranci juyin mulki a 1981; daga baya a 1992 ya zama zababben shugaban mulkin farar hula a jamhuriya ta hudu.
Ana kallo, wanda shi ne ya kafa jam’iyyar NDC a matsayin wanda ya ceto Ghana daga mawuyacin halin da ta shiga a lokacin gwamnatin da ta gabace shi.
