An gudanar da jana’izar tsohon Shugaban Kasar Chadi, Idriss Deby, wanda Allah Ya yi wa rasuwa a bakin daga.
Rundunar Sojin Chadi ta ce Idriss Deby Itno, wanda ke kan karagar mulki tun shekarar 1990 ya rasu ne ranar 20 ga Afrilu, 2021 sakamakon raunukan harbi da ya samu a yayin gwabza fada da ’yan tawaye a Arewacin kasar.
Rasuwar Idriss Deby, wanda jigo ne a yaki da masu tayar da kayar baya, ta haifar da damuwa game da yanayin tsaro a yankin Sahel.
