✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto

Yadda ake dafa-dukar shinkafa da daddawa

Shinkafa ta zama abinci gama-gari, amma hanyoyi daban-daban da ake da su na dafa masu gamsarwa, wata shinkafar ta fi wata. Ba maganar tuwon shinkafa…

Shinkafa ta zama abinci gama-gari, amma hanyoyi daban-daban da ake da su na dafa masu gamsarwa, wata shinkafar ta fi wata.

Ba maganar tuwon shinkafa da ko fara da miya ba, a’a, dafa-dukanta abinci ne da kwatancensa kadai, tun kafin ka ji kamshinsa, zai sa yawun mutum ya tsinke.

An yau mun kawo muku tsarabar wata shinkafa dafa-duka ta musamman, wadda ake yi da daddawa.

Abubuwa da ake bukatar

  • Shinkafa
  • Tumatiri
  • Attarugu
  • Daddawa
  • Kifi
  • Man ja
  • Shuwaka
  • Albasa

Yadda ake hadawa

  • A dora tukunyar da ruwa a cikinta har sa ya tafasa
  • sannan a dauko shinkafa a wanke a zuba a ciki,
  • Idan ta dan tafasa kamar na minti 15 sai sauke a wanke da ruwa
  • A yi jajjagen tumatir da attarugu da albasa da citta a ajiye a gefe
  • Sai a wanke shuwakan da gishiri domin dacin ya fita
  • A dora tukunyar a wuta a zuba manja a yankakken albasa a zuba ta soyu sosai
  • Daga nan sai a zuba kifi ya soyu a kwashe kifin a zuba daddawa ya soyu
  • A zuba jajjagen kayan miyar a ci gaba da soya shi
  • A sa ruwa da sinadarin dandano da gishiri da kayan kamshi da shinkafar
  • Daga nan sai a gauraya a rufe tukunyar na kamar tsawon minti 45
  • Idan ta fara nuna sai a dauko wankeke shuwaka a zuba na tsawon minti
  • Idan ya nuna sai a gauraya  a sauke

A ci dadi lafiya.