Yadda ake girkin faten acca

Uwargida barka da wanann lokaci a wannan filin na girke-girke.

Ina fatar ana gwada irin girke-girken da muke kawo muku.

Yana da kyau a rika sauya girki kayatar da iyali da kuma Karin dandano.

A yau na zo muku ne da yadda ake yin faten acca.

• Kayan hadi:

1. Acca
2. Ruwa
3. Allayahu
4. Lawashin albasa
5. Albasa
6. Attarugu
7. Magi
8. Gishiri
9. Kori

• Yadda ake hadawa

1. A dora tukunya a wuta sannan a sanya acca daidai bukata a ciki idan ruwan ya yi zafi.
2. Kar a saka acca da yawa saboda idan ta fara tafasa tana yin kauri.
3. Sai a zuba yankakakkiyar albasa, alayyahu, lawashi da attarugun a ciki a juya.
4. Bayan nan sai a zuba magi, gishiri da kori daidai bukata a juya sosai.
5. Daga nan sai a bar shi a wuta ya dan turara kadan kafin a sauke.

Asha dadi lafiya.

Mulahaza: Sannan a rufe tukunyar har sai ya fara tafasa.