✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto
Click Here To Listen To Trust Radio Live

Yadda ake Wainar Dankali

A hankali za a yi don kada ya wargaje saboda dankali ba shi da karfi da danko kamar shinkafa.

Wainar dankali abincin makulashen zamani ne mai matukar dadi; Amma ba a cika mai saboda lafiyar jiki.

Abubuwan da ake bukata:

  • Dankalin turawa
  • Attarugu
  • Albasa
  • Sinadarin dandano
  • Mai
  • Kwai

Yadda ake yin wainar dankali:

A fere dankalin a wanke, sai a nika ya yi laushi da kauri, kada a saki ruwa a nikan, sai idan ya cije, sai a zuba ruwa kadan.

Daga nan sai a zuba markaden a roba a yanka albasa, a sanya sinadarin girki, da gishiri, da kori, da kayan kamshi.

Sai a fasa kwai kamar biyu, a zuba jajjagen attaruhu kadan.

Sannan a dora, a zuba mai kamar cokali biyu.

Idan ya yi zafi sai a dauko kullin dankalin da ba a hada da kayan dandano ba.

A zuba daidai girman ramin tandar, a bar shi har sai ya soyu ya yi ja, sannan a juya.

Amma fa a hankali za a yi don kada ya wargaje saboda ba shinkafa ba ce, ba ta da karfi.

Idan aka juya, shi ma daya bangaren sai a bari idan ya yi ja sai a kwashe.

Shi ke nan an hattama wainar dankali, sai ci.